Zaurpress.az “Bild”ə istinadən xəbər verir ki, Bundesliqa klubu 29 yaşlı qolkiper üçün tezliklə hərəkətə keçmək niyyətindədir.
“Bavariya” Uğurcan Çakırı istəyir
Almaniyanın “Bavariya” klubu Türkiyə millisinin və “Qalatasaray”ın futbolçusu Uğurcan Çakırı heyətinə qatmaq istəyir.
Milli üzvü üçün 30 milyon avroluq təklif hazırlandığı bildirilir. Lakin İstanbul klubu Uğurcan üçün ən azı 40 milyonluq təklif olmayana qədər qolkiperi satmaq niyyətində deyil.
Qeyd edək ki, Uğurcan Çakır mövsümün əvvəlində “Trabzonspor”dan 27,5 milyon avroya "Qalatasaray"a transfer olunub. 29 yaşlı qapıçı cari mövsüm Super Liqada 26 matçda forma geyinib və 10 oyunda qapısını toxunulmaz saxlayıb. “Qalatasaray” isə hazırda çempionatda ən az qol buraxan komandalardan biridir.
