Zaurpress.az
Abşeron icra başçısı Abdin Fərzəliyev kimi qoruyur? – Hazırda tikilən “makler evləri”ni köhnə tikili adlandırırlar…
İki gün öncə Bizimesr.com-da “Abşeron rayon Məhəmmədli qəsəbəsində qanunsuz ‘makler evləri’nin tikintisi bitmir – RİH başçısı göstəriş verib?” başlıqlı məqalə yayımlanıb. Məqalədə qeyd olunurdu ki, Abşeron rayonunun Məhəmmədli qəsəbəsində qanunsuz “makler evləri”nin tikintisinin geniş vüsət aldığı iddia olunur.
Bizimesr.az bildirir ki, sözügedən tikililər əsasən sənədsiz şəkildə inşa edilir və sonradan vətəndaşlara kredit yolu ilə satılır. İddialara görə, Abşeron ərazisində bu sahədə fəaliyyət göstərən geniş bir biznes şəbəkəsi formalaşıb.
Qeyd olunur ki, həmin şəbəkənin fəaliyyəti uzun müddətdir davam edir və qanunsuz tikintilərin qarşısını almaq mümkün deyil. İddialarda bildirilir ki, bu proses rayon rəhbərliyinin nəzarəti altında həyata keçirilir. Belə ki, Abşeron Rayon İcra Hakimiyyətinin başçısı Abdin Fərzəliyevin bu tikintilərə nəzarət etdiyi, onun tapşırığı ilə Məhəmmədli qəsəbə icra nümayəndəsi Elmar Abbasovun prosesə birbaşa nəzarət etdiyi qeyd olunur.
Qeyd edək ki, Abşeron rayonu Bakı ətrafında qanunsuz tikililərin daha çox yayıldığı ərazilərdən biri hesab olunur. Xüsusilə “makler evləri” adı ilə tanınan fərdi yaşayış evlərinin tikintisi və satışı uzun illərdir müzakirə mövzusudur.
Bildirilib ki, Dövlət Şəhərsalma və Arxitektura Komitəsinin məlumat bazasında Məhəmmədlidə tikilən evlərlə bağlı heç bir qeyd yoxdur.
Məsələ ilə bağlı rəsmi qurumların mövqeyini öyrənmək mümkün olmayıb. Aidiyyəti qurumların və yazıda adları keçən şəxslərin fikirlərini yayımlamağa hazırıq. Mövzu diqqətdə saxlanılır. Həmin videogörüntülərdə sürətli tikinti işlərinin aparıldığı açıq şəkildə görünür. Lakin Abşeron Rayon İcra Hakimiyyətindən verilən cavab diqqət çəkməyə bilməz.
Videogörüntüdə hər şey açıq-aydın göründüyü halda, Abşeron RİH-in açıqlamasında qeyd olunur: “Rayon ərazisində şəhərsalma və tikinti normalarına əməl olunması, o cümlədən qanunsuz tikinti hallarının qarşısının alınması məqsədilə mütəmadi nəzarət və monitorinq tədbirləri həyata keçirilir. Bu istiqamətdə daxil olan hər bir müraciət aidiyyəti üzrə araşdırılır və qanunvericiliyə uyğun müvafiq tədbirlərin görülməsi təmin edilir.
Müraciətdə qeyd olunan ərazidə mövcud fərdi yaşayış evlərinin böyük əksəriyyəti uzun illər əvvəl inşa edilmiş, onların mülkiyyət hüququnu təsdiq edən sənədləri mövcuddur və həmin tikililər əsas kommunal xidmətlərlə təmin olunmuşdur. Sonradan aparılmış tikinti və yenidənqurma işləri ilə bağlı məsələlər isə qanunvericiliyin tələblərinə uyğun olaraq araşdırılır və zərurət yarandığı təqdirdə müvafiq tədbirlər görülməsi təmin edilir. Eyni zamanda bildiririk ki, Abşeron Rayon İcra Hakimiyyəti tərəfindən hər hansı qanunsuz fəaliyyətə yol verilməsi və ya bu kimi hallara himayədarlıq göstərilməsi ilə bağlı səsləndirilən iddialar əsassızdır və reallığı əks etdirmir”.
Maraqlıdır ki, hazırda tikinti işləri getdiyi bir vaxtda Abşeron RİH bu cür açıqlama ilə necə çıxış edə bilər? Videogörüntülərdən və əlimizdə olan fotofaktlardan açıq şəkildə görünür ki, tikinti davam edir və ustalar işləyir. Fotolarda dam ustasının, suvaqçının və digər işçilərin fəaliyyəti aydın görünür.
Buna baxmayaraq, Abşeron RİH bildirir ki, “ərazidəki evlərin böyük əksəriyyəti uzun illər əvvəl inşa edilib”. Bu hansı reallıqdır? Abşeron RİH başçısı Abdin Fərzəliyev bu açıqlamaya hansı əsasla gəlir?
Üstəlik, bu faktlar fonunda Dövlət Şəhərsalma və Arxitektura Komitəsinin sədri Anar Quliyev hansı mövqe ortaya qoyacaq? Bu qurum da tikintinin uzun illər əvvəl aparıldığını iddia edəcəkmi?
Bizimesr.com
Bizimesr.az bildirir ki, sözügedən tikililər əsasən sənədsiz şəkildə inşa edilir və sonradan vətəndaşlara kredit yolu ilə satılır. İddialara görə, Abşeron ərazisində bu sahədə fəaliyyət göstərən geniş bir biznes şəbəkəsi formalaşıb.
Qeyd olunur ki, həmin şəbəkənin fəaliyyəti uzun müddətdir davam edir və qanunsuz tikintilərin qarşısını almaq mümkün deyil. İddialarda bildirilir ki, bu proses rayon rəhbərliyinin nəzarəti altında həyata keçirilir. Belə ki, Abşeron Rayon İcra Hakimiyyətinin başçısı Abdin Fərzəliyevin bu tikintilərə nəzarət etdiyi, onun tapşırığı ilə Məhəmmədli qəsəbə icra nümayəndəsi Elmar Abbasovun prosesə birbaşa nəzarət etdiyi qeyd olunur.
Qeyd edək ki, Abşeron rayonu Bakı ətrafında qanunsuz tikililərin daha çox yayıldığı ərazilərdən biri hesab olunur. Xüsusilə “makler evləri” adı ilə tanınan fərdi yaşayış evlərinin tikintisi və satışı uzun illərdir müzakirə mövzusudur.
Bildirilib ki, Dövlət Şəhərsalma və Arxitektura Komitəsinin məlumat bazasında Məhəmmədlidə tikilən evlərlə bağlı heç bir qeyd yoxdur.
Məsələ ilə bağlı rəsmi qurumların mövqeyini öyrənmək mümkün olmayıb. Aidiyyəti qurumların və yazıda adları keçən şəxslərin fikirlərini yayımlamağa hazırıq. Mövzu diqqətdə saxlanılır. Həmin videogörüntülərdə sürətli tikinti işlərinin aparıldığı açıq şəkildə görünür. Lakin Abşeron Rayon İcra Hakimiyyətindən verilən cavab diqqət çəkməyə bilməz.
Videogörüntüdə hər şey açıq-aydın göründüyü halda, Abşeron RİH-in açıqlamasında qeyd olunur: “Rayon ərazisində şəhərsalma və tikinti normalarına əməl olunması, o cümlədən qanunsuz tikinti hallarının qarşısının alınması məqsədilə mütəmadi nəzarət və monitorinq tədbirləri həyata keçirilir. Bu istiqamətdə daxil olan hər bir müraciət aidiyyəti üzrə araşdırılır və qanunvericiliyə uyğun müvafiq tədbirlərin görülməsi təmin edilir.
Müraciətdə qeyd olunan ərazidə mövcud fərdi yaşayış evlərinin böyük əksəriyyəti uzun illər əvvəl inşa edilmiş, onların mülkiyyət hüququnu təsdiq edən sənədləri mövcuddur və həmin tikililər əsas kommunal xidmətlərlə təmin olunmuşdur. Sonradan aparılmış tikinti və yenidənqurma işləri ilə bağlı məsələlər isə qanunvericiliyin tələblərinə uyğun olaraq araşdırılır və zərurət yarandığı təqdirdə müvafiq tədbirlər görülməsi təmin edilir. Eyni zamanda bildiririk ki, Abşeron Rayon İcra Hakimiyyəti tərəfindən hər hansı qanunsuz fəaliyyətə yol verilməsi və ya bu kimi hallara himayədarlıq göstərilməsi ilə bağlı səsləndirilən iddialar əsassızdır və reallığı əks etdirmir”.
Maraqlıdır ki, hazırda tikinti işləri getdiyi bir vaxtda Abşeron RİH bu cür açıqlama ilə necə çıxış edə bilər? Videogörüntülərdən və əlimizdə olan fotofaktlardan açıq şəkildə görünür ki, tikinti davam edir və ustalar işləyir. Fotolarda dam ustasının, suvaqçının və digər işçilərin fəaliyyəti aydın görünür.
Buna baxmayaraq, Abşeron RİH bildirir ki, “ərazidəki evlərin böyük əksəriyyəti uzun illər əvvəl inşa edilib”. Bu hansı reallıqdır? Abşeron RİH başçısı Abdin Fərzəliyev bu açıqlamaya hansı əsasla gəlir?
Üstəlik, bu faktlar fonunda Dövlət Şəhərsalma və Arxitektura Komitəsinin sədri Anar Quliyev hansı mövqe ortaya qoyacaq? Bu qurum da tikintinin uzun illər əvvəl aparıldığını iddia edəcəkmi?
Bizimesr.com
